ناگلیسمان لیستی یاریزانە بانگهێشتکراوەکانی ئەڵمانیای بۆ یۆرۆی 2024 راگەیاند
یاریگا –
ناگلیسمان لیستی یاریزانە بانگهێشتکراوەکانی ئەڵمانیای بۆ یۆرۆی 2024 راگەیاند و بانگهێشتی دەنیز ئونداڤ یاریزانی کوردی یانەی شتوتگارتی کردووە.
ناگلیسمان بۆ یۆرۆی 2024 بانگهێشتی 27 یاریزانی کردووە، هەریەکە لە تۆنی کرووس و تۆماس مولەر و ئیلکای گۆندوگان و ئەنتۆنیۆ رۆدیگەر لە لیستەکەی مانشافتدان، چوار گۆڵپارێزیشی بۆ لیستەکەی بانگهێشت کردووە، وابڕیارە پێش دەستپێکی یارییەکانی یۆرۆ یاریزانێک یان زیاتر دووربخاتەوە.
لیستی یاریزانە بانگهێشتکراوەکانی ئەڵمانیا بۆ یۆرۆی 2024
گۆڵپارێز: مانوێل نۆیەر، ئۆلیڤەر باومان، مارک ئاندرێ تێرشتیگن، ئالێکساندەر نوبل.
بەرگری: ڤالدیمار ئانتۆن، بێنجامین هێنریکس، جۆشوا کیمیچ، رۆبن کۆچ، ماکسیمیلیان میتێلستادت، داڤید راوم، ئەنتۆنیۆ رۆدیگەر، نیکۆ شلۆتێربێک، جۆناتان تاهـ.
ناوەڕاست: رۆبێرت ئاندریچ، کریس فوریچ، پاسکال گرۆس، ئیلکای گۆندوگان، تۆنی کرووس، ئالێکساندەر پاڤلۆڤیچ، لیرۆی سانێ، فلۆریان ڤریتز.
هێرشبەر: ماکسیمیلیان بێیێر، نیکلاس فلرکروگ، کای هاڤێرتز، تۆماس مولەر، دێنیز ئونداڤ.
ئەڵمانیا وەکو وڵاتی میواندار لە کۆمەڵەی یەکەم لە یۆرۆی 2024 هاوشانی سکۆتلەندا و هەنگاریا و سویسڕا یاریی دەکات، رۆژی 14ـی مانگی داهاتوو ئەڵمانیا لە یاریی کردنەوەی پاڵەوانێتییەکە رووبەڕووی سکۆتلەندا دەبێتەوە.
ئەڵمانیا لە مێژوودا هاوشانی ئیسپانیا خاوەنی ریکۆردی بەدەستهێنانی زۆرترین نازناوی یۆرۆیە و لە مێژوودا سێ جار بووەتە پاڵەوانی جامی نەتەوەکانی ئەوروپا، کە ئەڵمانیا تاکە هەڵبژاردەیە لە مێژوودا 14 جار بەشداریی یارییەکانی جامی نەتەوەکانی ئەوروپای کردووە.
