لە کاتێکی هەستیاردا گورزێک بەر هەڵبژاردەی ئەڵمانیا دەکەوێت
یاریگا –
سبەی هەڵبژاردەی ئەڵمانیا لە دووەم یاریی دۆستانەی ئەمادەکارییدا بۆ یارییەکانی مۆندیال، بەرامبەر هەڵبژاردەی ئەمریکا یاریی دەکات. لە راهێنانەکاندا بۆ ئەو یارییە، گورزێک بەر مانشافت دەکەوێت.
تیمەکەی جولیان ناگلیسمان لە یەکەم یاریی دۆستانەیاند بەبەهێزی خۆیان پیشانی جیهان دا کاتێک 4-0 لە فنلەندایان بردەوە. لەو یارییەی جگە لە درەوشانەوەی دێنیز ئونداڤی ئەستێرەی کورد کە توانی دوو گۆڵ و ئەسێستێک بکات، هاوکات لێنارت کارڵی یاریزانی لاوی بایرن میونشنیش کە لە پێکهاتەی سەرەکیدابوو، ئەسێستێکی کرد و تواناکانی خۆت دەرخست. بەڵام لە راهێنانەکانی ئەمڕۆدا دووچاری پێکان هاتووە و ناگلیسمان بە نیگەرانیەوە باسی لێوەکرد.
لە کۆنفرانسی رۆژنامەوانی پێش یارییەکەی ئەمریکا، راهێنەرەکەی ئەڵمانیا وتی
پێکانەکەی باش دیارنادات. بردراوە بۆ نەخۆشخانە و پشکنینی بۆ دەکرێت. جارێ دەبێت چاوەڕێی ئەنجامی پشکنینەکان بکات کە بزانین ئایا دەتوانێت لە مۆندیال بەشداریی بکات یان یان پێویستە شوێنگرەوەیەک لەبری بانگهێشت بکەین.
کارڵ کە تازە تەمەنی 18 ساڵە، لە پێگەی ناوەڕاستکاری هێرشبەریی یاریی دەکات و بە داهاتووی ئەڵمانیا دادەنرێت.
وەرزی رابردوو لە 26 یاریی بوندسلیگا توانی 5 گۆڵ و 5 ئەسێست بکات. لە چامپیۆنزلیگیش لە 8 بەشدارییدا 4 گۆڵ و 2 ئەسێستی هەبوو.
ئەگەرچی هێشتا بەفەرمی لەلایەن هەڵبژاردەی ئەڵمانیاوە دوورکەوتنەوەی لە مۆندیال رانەگەیەندراوە، بەڵام لای خۆیەوە فلۆریان پلێتنبێرگی رۆژنامەنووسی ناسراو لە سکای ئەڵمانیا بڵاویکردەوە کە پشکنینی MRI بۆ کارڵ کراوە دەرکەوتووە ریشاڵەکانی ماسوولکەی پچڕاوە. کۆتا بڕیار بۆ چارەسەرکردنی دەدرێت. گەڕانەوەشی لە شیکاگۆی ئەمریکاوە بۆ منوشن جێگەی گفتوگۆی نێوخۆیی یەکێتی تۆپی پێی ئەڵمانیایە.
🚨❌ EXCL | Lennart Karl will miss the World Cup.
The 18 y/o FC Bayern gem suffered a muscle fibre tear during Germany’s final training session in Chicago today. The injury was confirmed by an MRI scan.
The final decision regarding his treatment is currently being made. His… pic.twitter.com/RCJXg96WJc
— Florian Plettenberg (@Plettigoal) June 5, 2026
سەبارەت بە شوێنگرەوەی لێنارت، هەمان رۆژنامەنووس زانیویەتی کە ئاسان ئۆدراوگۆی یاریزانی لایپزیگ بانگهێشت دەکرێت. لەلایەن ناگلیسمان و هەروەها یانەکەشیەوە ئەوە پشتڕاستکراوەتەوە.
🚨💥 EXCL | Assan Ouedraogo will be called up to Germany’s World Cup squad as the replacement for Lennart Karl.
As revealed, the 20 y/o RB Leipzig top talent only narrowly missed out on the original squad. Now he will travel from his holiday in Spain to Chicago. Julian… pic.twitter.com/GfS6snrEuL
— Florian Plettenberg (@Plettigoal) June 5, 2026
