یاریگا –
بارسێلۆنا و ریال مەدرید ریزبەندی ئەو تیپانەیان گرتووە کە لە لالیگا کە زۆرترین بڕیاری هەڵەی ناوبژیوانییان دژ دراوە، سەرەڕای هەبوونی تەکنەلۆژیای ڤار.
بەگوێرەی نوێترین راپۆرتی ئارچێڤۆ ڤار، جەمسەرە گەورەکانی ئیسپانیا زیانلێکەوتووی یەکەمی هەڵەکانی ناوبژیوان و ژووری ڤارن.
🚨💥 #𝗜𝗻𝗳𝗼𝗿𝗺𝗲𝗔𝗩 | El Barcelona continúa como líder de la tabla de equipos con los que el VAR ha cometido más errores en su contra.
🖥️ Tambien es el equipo que más errores del SAOT ha sufrido.https://t.co/ghwYTf4fdQ
— Archivo VAR (@ArchivoVAR) April 13, 2026
بارسێلۆنا؛ دوو مانگە لە لووتکەیە
یانەی بارسێلۆنابەردەوامە لە پێشەنگی ئەم ریزبەندییە نەرێنییە، بە جۆرێک کە تاوەکوو ئێستا 10 هەڵەی گەورەی ڤار دژی ئەم تیپە تۆمارکراوە. جێگەی سەرنجە کە سێ لەو هەڵانە پەیوەندییان بە ئۆفسایدی نیمچە ئۆتۆماتیکیـەوە هەبووە، کە وا چاوەڕوان دەکرا ئەو تەکنەلۆژیایە زۆر ورد بێت و هەڵە نەکات.
ریال مەدرید بۆ پلەی دووەم سەرکەوت
دوای یارییەکەی بەرامبەر جیرۆنا، ریال مەدرید گەیشتە پلەی دووەمی لیستەکە بە 8 هەڵە، هۆکاری ئەمەش هەژمارنەکردنی لێدانێکی سزای روون بوو بۆ کیلیان ئێمباپێ دوای فاوڵەکەی ڤیتۆر رێس. مەدرید ئێستا تەنیا دوو هەڵە لە بارسێلۆنای رکابەری دوورە.
سێ تیپ لە پلەی سێیەمن
هەر یەکە لە یانەکانی خیتافی، ریال بێتیس و ریال سۆسیداد بە شەش هەڵە لە پلەی سێیەمدان، لە کۆتایی لیستەکەدا، یانەی ڤیاڕیاڵ تاکە تیپی لالیگایە کە تاوەکوو ئێستا هیچ هەڵەیەکی ڤار دژی تۆمار نەکراوە و بە بەختەوەرترین تیپی خولەکە دادەنرێت لەم رووەوە.
