یاریگا –
مانچێستەر سیتی بە پێکهاتەیەکی ناسەرەکی توانی 2-0 لە ساڵفۆرد سیتی بباتەوە و خۆی بگەیەنێتە قۆناخی داهاتووی جامی یەكێتی ئینگلتەرا.
جامەکە کۆنترین پاڵەوانێتی تۆپی پێیە لەنێوخۆی وڵاتێکدا بەڕێوەچووبێت و لای ئینگلیزەکان تایبەتمەندیی خۆی هەیە.
گۆڵەکانی سیتی یەکێکیان یاریزانی دژبەر بەهەڵە تۆماری کرد و، ئەوی دیکە لەلایەن مارک گێی کە ئەم زستانە لە کریستاڵ پاڵاسەوە پەیوەندی بە تیمەکەی پێپ گواردیۆلا کرد.
ئەوە بردنەوەی ژمارە 17ی لەسەریەک بوو بۆ سیتیزنس لەنێو یاریگای خۆیان لە میانی کێبڕکێیەکانی ئەو پاڵەوانێتیە.
بەگوێرەی زانیارییەکانی ئۆپتا، تەنها یەک یانە لە مێژوودا توانیویەتی ئەو ژمارە بردنەوەیە لەنێو یاریگای خۆی تۆماربکات، ئەویش کڵافام رۆڤەرز بووە لەنێوان ساڵانی 1873-1881. واتا نزیکەی سەدە و نیوێکە هیچ یانەیەک نەیتوانی ئەو کارە ئەنجام بدات.
17 – Manchester City have won their last 17 FA Cup games at the Etihad Stadium, equalling the longest home winning streak in the competition’s history, set by Clapham Rovers between December 1873 and February 1881. Specialists. pic.twitter.com/k51Cm9divh
— OptaJoe (@OptaJoe) February 14, 2026
