یاریگا–
رۆناڵدۆ نازاریا، ئەفسانەی پێشووی هەڵبژاردەی بەڕازیل پێیوایە لیۆنێل میسی باشترین یاریزانی مێژوویە.
لە چاوپێکەوتنێکدا لەگەڵ رۆژنامەی ئاسی وەرزشی ئیسپانی دەڵێت ” دووبارەبونەوەی یاریزانی هاوشێوەی لیۆ 20 بۆ 30 ساڵی دەوێت، بۆیە من پێموایە ئەو باشترین یاریزانی مێژوویە و ئەستەمە هیچ یاریزانێکی دیکەی هاوشێوەی گۆڵکارەکەی بارسێلۆنا دووبارە ببێتەوە “.
رۆناڵدۆی دیاردە لە بەشێکی دیکەی قسەکانیدا بێ ئەوەی ناوی کریستیانۆ رۆناڵدۆ بێنێت دەڵێت نێیمار، هازارد، سەڵاح و مباپێش یاریزانی باشن و چێژ لە یارییەکانیان دەبینم.
