ئیتاڵیا
ژیرۆ تووشی پێکان هات
ئۆلیڤەر ژیرۆ گۆڵکاری ئەیسی میلان و فەڕەنسا تووشی پێکان هات.
لە میانەی پاڵاوتنەکانی یۆرۆدا، ژیرۆ لە پێکهاتەی سەرەکی فەڕەنسا بوو بۆ یارییەکەی بەرامبەر ئێرلەندا. بەڵام لە خولەکی 26 تووشی پێکان هات و یاریگای جێهێشت.
ژیرۆ بە شەلە شەل چووە دەرەوە و بەگوێرەی فوتبۆڵ ئیتاڵیا پێکانەکەی لە پاژنەی پێیدایە.
ئەمەش هەواڵێکی ناخۆشە بۆ ئەیسی میلان کە دوای یارییە نێودەوڵەتییەکان رووبەرووی ئینتەر دەبێتەوە و رکابەر کلاسیکییەکەیان هاوشێوەی خۆیان، سەرجەم یارییەکانی ئەم وەرزەیان بردووەتەوە تا ئێستا.
ژیرۆ سەرەڕای ئەوەی لەم مانگەدا تەمەنی دەبێتە 37 ساڵ، توانیوییەتی لە سێ یاری سەرەتای وەرزدا چوار گۆڵ بۆ میلان تۆماربکات.
