فەرمی: دینیس زەكەریا پەیوەندی بە چێڵسیەوە كرد

یاریگا-

یانەی چێڵسی ئینگلیزی بەشێوەیەكی فەرمی ڕایگەیاند كە گەشتوونەتە ڕێككەوتن لەگەڵ یوڤێنتوس بەمەبەستی گواستنەوەی دینیس زەكەریا بۆ ڕیزەكانی یانە ئینگلیزیەكە.

هەژماری فەڕمی چێڵسی لە تۆڕی كۆمەڵایەتی تویتەر ڕایگەیاند دینیس زەكەریا بۆ ماوەی وەرزێك و بەشێوەی خواستن پەیوەندی بە ستامفۆرد بریدجەوە كرد.

لە گواستنەوەكانی زستانەی وەرزی ڕابردوودا زەكەریا واژۆی لەسەر گرێبەستێكی دوور و درێژ لەگەڵ یوڤێنتوس كرد.

یاریزانە 25 ساڵانەكە بەشداری لە 40 یاریدا كردووە لەگەڵ هەڵبژاردەی سویسرا.