ناوبژیوانی یاری كلاسیكۆ دیاریكرا

یاریگا-

فیدراسیۆنی تۆپی پێی ئیسپانیا ناوبژیوانی یاری كلاسیكۆی نێوان ڕیاڵ مەدرید و بارسێلۆنای دیاریكرد.

ڕۆژی شەممە لە یاریگای ئەلفریدۆ دی ستیڤانۆ ڕیاڵ مەدرید میوانداری بارسێلۆنا دەكات لە یاری لوتكەی هەفتەی 30ی خولی ئیسپانیا.

فیدراسیۆنی تۆپی پێی ئیسپانیا ماتیۆ لاهۆزی وەك ناوبژیوانی یاری نێوان ڕیاڵ مەدرید و بارسێلۆنای دیاریكرد.

ماتیۆ لاهۆز لە پێنج كلاسیكۆ ناوبژیوانی یاریەكەی كردووە بارسێلۆنا لە یەك یاری براوە بووە و ڕیاڵ مەدرید سێ یاری بردووەتەوە و یاریەكیش یەكسان بوون.

شایەنی باسە ئەتلەتیكۆ مەدرید بە كۆكردنەوەی 66 خاڵ پێشەنگی خولی ئیسپانیای گرتووە و بارسێلۆناش بە 65 خال لە پلەی دووەم دێت و هەرچی ڕیاڵ مەدریدیشە لە پلەی سێیەم دێت بە كۆكردنەوەی 63 خاڵ.