یاریگا –
پێپ گواردیۆلا جارێکیتر سەرسامی خۆی بۆ رەیان شەرقی پیشان دا و لەدوای بردنەوەکەیان لە ئارسیناڵ وەسفێکی ناوازەی یاریزانە فەڕەنسیەکەی کرد.
ئەمشەو لە هەفتەی 33ی پرێمەرلیگ مانچێستەر سیتی پلەی دووەم میوانداریی ئارسیناڵی پێشەنگی کرد و توانیان 2-1 لە میوانە لەندەنیەکەیان ببەنەوە. گۆڵی یەکەمی سیتیزنس شەرقی تۆماریکرد لەدوای هەوڵێکی تاکەکەسیی نایاب.
دیمەنی گۆڵەکەی شەرقی:
Rayan Cherki’s incredible goal against Arsenal. 🪄🇫🇷pic.twitter.com/jIBKQ2B4Lv
— Tekkers Foot (@tekkersfoot) April 19, 2026
لەدوای یارییەکە گواردیۆلا کە پێشتریش ناوی رەیانی بە مێسی پەیوەستکردبوو، وتی
دەزانیت، ئەمشەو شەرقی مێسی بیرخستمەوە.
لە پرسیاری رۆژنامەنووسێکدا کە لێی پرسی ئایا شەرقی باشترین یاریزانی ئەم وەرزەی پرێمەرلیگە، گواردیۆلا وتی
هێمن، هێمن، هێمن، هێمن. ئەو جارێ زۆر گەنجە.
بردنەوەکە تیمەکەی گواردیۆلای کردە خاوەنی 67 خاڵ بە یارییەک کەمتر لە گەنەرز کە ئەوان هێشتا بە 70 خاڵەوە پێشەنگن.
