لیڤاندۆڤسکی ئۆفەرێکی فەرمی رەتدەکاتەوە و چارەنووسی نادیارە
هەنگاوی فەرمی دەستیانپێکردووە
یاریگا –
رۆبێرت لیڤاندۆڤسکی، هێرشبەری بارسێلۆنا رەتیدەکاتەوە یانەکەی جێبهێڵێت.
فلۆریان پلیتێنبێرگ، رۆژنامەنووسی سکای دۆچلاند بڵاویکردووەتەوە، فەنەرباچێ ئۆفەرێکی فەرمی پێشکەش لیڤاندۆڤسکی کردووە، تاوەکو لە مێرکاتۆی زستانەی داهاتوو پەیوەندی بە یانە تورکییەکە بکات.
رۆژنامەنووسەکە جەختیکردووەتەوە، لیڤاندۆڤسکی پلانی جێهێشتنی بارسێلۆنای لە مێرکاتۆی زستانەی داهاتوو نییە و لانیکەم دەیەوێت تاوەکو کۆتایی ئەم وەرزە لە بارسێلۆنا بمێنێتەوە.
چارەنووسی لیڤا لە بارسێلۆنا ناڕوونە و تەواوی بژاردەکان کراوەن، چونکە گرێبەستەکەی لە هاوینی ساڵی داهاتوو بەسەردەچێت.
🚨🟡🔵 #Fenerbahce have shown concrete interest in Robert Lewandowski for the winter window, but he has declined.#Lewandowski wants to stay at least until the summer and is still not planning a January move.
His future at FC Barcelona remains completely open, with his contract… pic.twitter.com/EWvP2MKxaI
— Florian Plettenberg (@Plettigoal) November 25, 2025
فەنەرباچێ بەدوای هێرشبەرێکی کوالێتی جیهانی دەگەڕێت، تاوەکو لەسەر ئاستی ناوخۆ و دەرەوە جارێکی دیکە بگەڕێتەوە نێو رکابەرییەکان.
لە بارسێلۆنا کێشەی دارایی بڕیار لە زۆربەی کەیسەکان دەدات، هەرچەندە زۆر باس لە گواستنەوەی ئەستێرەی گەورەی وەکو ئێرلینگ هالاند، خولیان ئالڤارێز و چەند هێرشبەرێکی دیکە دەکرێت، بەڵام پێناچێت دەستبەرداری لیڤاندۆڤسکی ببێت.
