چاوەڕواننەکراو؛ گەورەیەکی ئیسپانیا گفتوگۆی بۆ گواستنەوەی یاریزانێکی نەسڕ دەستپێکرد
یاریگا –
یاریزانێکی نەسڕ خۆری لە ئاسمانی ئیسپانیاوە لێ هەڵدێتەوە و گفتوگۆ بۆ گواستنەوەی دەستیپێکردووە.
بەگوێرەی زانیارییەکانی فابریزۆ رۆمانۆ، یانەی ئاتلێتیک بیڵباو دەیەوێ دۆخی ئێمریک لاپۆرت بقۆسێتەوە و بیگەڕێنێتەوە ریزەکانی.
لاپۆرت کە ئێستا تەمەنی 31 ساڵە، هەر لە ریزی یانە باسکیەکە پێگەشتووە و ماوەی شەش ساڵیش (2012-2018) وەک پیشەگەر درێسی ئاتلێتیکی پۆشی بەرلەوەی رووبکاتە مانچێستەر سیتی. لە هاوینی 2023یش بە بڕی 23.6 ملیۆن دۆلار گواسترایەوە بۆ نەسڕ.
رۆمانۆ ئاشکرایکردووە ئەمڕۆ ئاتلێتیک بیڵباو یەکەمین ئۆفەریان بەشێوەی زارەکی بەو بەرگریکارە راگەیاندووە.
لە درێژەی زانیارییەکانیدا رۆژنامەنووسە ئیتاڵیەکە ئەوەی زانیوە کە ئەو یاریزانە ئیسپانیە لە دەرەوەی پرۆژە نوێیەکەی نەسڕە. هەربۆیە یانەکەی منداڵیی دەیەوێ سوود لە دۆخەکە ببینێت و بیگوازێتەوە بۆ سان مامێس.
🚨🔴⚪️ EXCL: Athletic Club made first verbal proposal to Al Nassr today for Aymeric Laporte.
Laporte, out of Al Nassr project at this stage with Athletic Club pushing to make it happen. pic.twitter.com/peJKMX4C7s
— Fabrizio Romano (@FabrizioRomano) July 19, 2025
بیڵباو ئەم وەرزەی بێتەوە کە لە چامپیۆنزلیگ بەشدارن، دەیەوێ سوود لە ئەزموونەکانی لاپۆرت وەربگرێت بۆ رکابەرایەتی لەگەڵ گەورەکانی کیشوەرەکە.
