فەرمی؛ یاریزانێكی چێڵسی پەیوەندی بە بۆڕووسیا دۆرتموندەوە دەكات

یاریگا –

بۆڕووسیا دۆرتموند بەفەرمی گواستنەوەی چوكوێمێكا یاریزانی چێڵسی بە خواستن بۆ ریزەکانی راگەیاند.

چوكوێمێكا لە گواستنەوەكانی ساڵی 2022 لە ریزەكانی ئاستۆن ڤیلاوە بە بەهای 18 ملیۆن یۆرۆ پەیوەندی بە ئاستۆن ڤیلاوە كرد، بە خواستن تا کۆتایی وەرز روودەکاتە ریزەکانی دۆرتموند، کە گرێبەستەكەی یاریزانە تەمەن 21 ساڵانەكە لەگەڵ بلووز لە هاوینی ساڵی 2028 بەسەردەچێت.

Carney Chukwuemeka Joins BVB! 👋

Borussia Dortmund have secured 21-year-old midfielder Carney Chukwuemeka on loan from Chelsea until summer 2025, with an option to make the move permanent. ✍️ pic.twitter.com/LrwmiTtgcm

— Borussia Dortmund (@BlackYellow) February 3, 2025

ماڵپەڕی فەڕمی بۆڕووسیا دۆرتموند لە پلاتفۆرمی ئێكس گواستنەوەی چوكوێمێكای بە خواستن تاوەكو كۆتایی وەرز بۆ ریزەكانی یانەكەی راگەیاند، کە زەردەواڵەکان دەتوانن لە کۆتایی وەرز ئەو یاریزانە 21 ساڵانە بکڕنەوە.

رێککەوتنەکە مەرجی گواستنەوەی هەمیشەیی لەدوای تەواوبوونی وادەی خواستنەکەی تێدانییە، بەڵام مەرجی هەڵوەشاندنەوەی گرێبەستەکەی بریتییە لە 40 ملیۆن پاوەند.

لەوەتەی دەستبەکاربوونی ئێنزۆ مارێسکا وەکو راهێنەری چێڵسی، یاریزانەکە لە پلانەکانی بلووز دوورخرابووەوە، بۆیە بە هەموو شێوەیەک بەدوای دەرچەیەک دەگەڕا.