بەهای ئامانجی گەورەکانی ئەوروپا بۆ 60 ملیۆن پاوەند بەرزکرایەوە
کونیا تاوەکو 2029 لە وۆڵڤز دەمێنێتەوە
یاریگا –
وۆڵڤز گرێبەستی ماتیوس کونیای بۆ ماوەیەکی درێژ نوێکردەوە.
یانە زەردپۆشەکەی پرێمەرلیگ، تەواوی هەوڵەکانی بۆ هێشتنەوەی کونیادا و لە کۆتاییدا توانی ئەستێرەی یەکەمی یانەکەی بهێڵێتەوە.
وۆڵڤز گرێبەستی کونیای تاوەکو هاوینی ساڵی 2029 نوێکردەوە و مەرجی هەڵوەشاندنەوەی گرێبەستەکەی بۆ 60 ملیۆن پاوەند بەرزکردەوە و لە هاوینی داهاتووەوە، کونیا دەتوانێت وۆڵڤز جێبهێڵێت.
لە بازاڕی ئێستای گواستنەوەی یاریزاناندا، یانەکانی ئارسیناڵ، ئاستۆن ڤیلا و نۆتینگهام فۆڕێست هەوڵی جیدییان بۆ گواستنەوەی کونیادا، بەڵام لە کۆتاییدا بڕیاری مانەوەیدا.
مات هۆبس، بەڕێوەبەری وەرزشی وۆڵڤز لە دوای نوێکردنەوەی گرێبەستی کونیا دەڵێت
نوێکردنەوەی گرێبەستی کونیا، پاداشتی ئاستە ناوازەکەیەتی و گرنگی ئەو بۆ ئێمە دووپاتدەکاتەوە.
کونیا یانە و هاندەرانی خۆشدەوێت، ئێمەش رێز لە هەوڵەکانی بۆ یارمەتیدانی یانەکە لەپێش چاو دەگرین. کونیا ئێستا لە ژێر باڵی هاندەرانە، چونکە ئامادەیە هەموو شتێک بۆ یانەکە بکات.
Putting pen-to-paper after full time ✍️ pic.twitter.com/vgKiAZrveJ
— Wolves (@Wolves) February 1, 2025
کونیای تەمەن 25 ساڵان، دەستپێکی کاروانی وەرزشی لەگەڵ سیۆنی سویسری بوو، دواتر یاریی بۆ یانەکانی لایپزیگ، هێرتا بێرلین، ئاتلێتیکۆ مەدرید و ئێستاش وۆڵڤز دەکات.
کونیا لە هاوینی ساڵی 2023 پەیوەندی بە وۆڵڤزەوە کرد، لەوساتەوە 22 گۆڵی لە کۆی 54 یاریدا کردووە.
