یاریگا –
ماسیس ئارتین بەرگریکاری دهۆک بۆ یارییەکانی داهاتوو بانگهێشتی هەڵبژاردەی عێراق دەکرێت.
بەگوێرەی زانیارییەکانی تۆڕی وەرزشی یاریگا، خیسوس کاساس راهێنەری هەڵبژاردەی عێراق پەیوەندی بە ماسیس ئارتین بەرگریکاری یانەی دهۆک کردووە و پێی راگەیاندووە بۆ دوو یاریی داهاتووی هەڵبژاردەی عێراق لە پاڵاوتنەکانی مۆندیالی 2026 بانگهێشتی دەکات.
ماسیس ئارتین (31 ساڵان) لە گواستنەوەی هاوینەی یاریزانان لە خولی سویدییەوە پەیوەندی بە ریزەکانی دهۆک کرد و لە هێلی بەرگری هاوشانی لۆکاس مۆزیس ئاستێکی بەرز پێشکەش دەکات، ئاستە بەرزەکەی سەرنجی راهێنەرە ئیسپانییەکەی راکێشاوە.
مایس ئارتین ساڵی رابردوو بۆیەکەمجار لەلایەن کاساسەوە بانگهێشتی هەڵبژاردەی عێراق کرا و لە یاریی دۆستانەی بەرامبەر تایلاند بەشداریی کرد و تەنیا ئەو تاقانە یارییە نێودەوڵەتییەی کردووە.
