یاریگا –
دیێگۆ سیمیۆنی، راهێنەری ئەرجەنتینی یانەی ئاتلێتیكۆ مەدریدی ئیسپانی هێرش دەكاتە سەر تیبۆ كۆرتوا گۆڵپارێزی بەلجیكی یانەی ریال مەدریدی ئیسپانی بە هۆكاری توڕەكردنی هاندەرانی یانەكەی دادەنێت.
شەوی رابردوو ئاتلێتیكۆ مەدرید لە یاریگای واندا مێترۆپۆلیتانۆی تایبەت بە خۆی میوانداری ریال مەدریدی كرد و یارییەكەش بە گۆڵێك بۆ هەردوولا یەكسان بوون، لە میانی یارییەكانی هەفتەی هەشتەمی لالیگا.
یارییەكە لە خولەكی 68 راگیرا كاتێك هاندەرانی یاریگا شتیان بۆ تیبۆ كۆرتوا هەڵدەدا و ناوبژیوانیش بڕیاریدا بۆ ماوەیەكی كاتی یارییەكە رابگرێت.
El partido termina en empate. pic.twitter.com/T78y2fwEmv
— Atlético de Madrid (@Atleti) September 29, 2024
لە دوای یارییەكە دیێگۆ سیمیۆنی گوتی:
هاندەران لە خۆوە توڕە نابن، هەندێكجار ئێمەین كە توڕەیان دەكەین، دەبێت هێمن بین و بزانین لە چ بارودۆخێكدا دەتوانین ئاهەنگبگێڕین، سەیركردنی هاندەران و ئاهەنگگێڕان لە بەردەمیاندا درووست نییە، ئەوان لە خۆوە توڕە نابن، ئێمە هۆكاری توڕەبوونیانین.
ئەوان هەندێك شتیان خستە نێو یاریگا نابێت دووبارەی بكەنەوە، ئێمە پێوویستمان بە كەسانێكە كە هانمان بدەن.
هەموو كەس دەتوانێت ئاهەنگبگێڕێت، بەڵام نەك بە سەیركردنی هاندەران و ئاماژەكردن پێیان، ئەمە درووست نییە.
ریال مەدرید بە كۆكردنەوەی 18 خاڵ لە ریزبەندی دووەمی لالیگا دێت و ئاتلێتیكۆ مەدریدیش بە 16 خاڵ لە پلەی سێیەم دێت.
