وادەی پشکنینە پزیشکیەکانی ئەستێرە ئیتاڵیەکە بۆ گەورەیەکی پرێمەرلیگ ئاشکرادەکرێت

یاریگا –

مارکۆ پالێسترا یەک هەنگاو نزیکە لە راگەیاندنی فەرمی وەک یاریزانی نوێی یانەیەکی لەندەنی.

ئینتەر ماوەیەکبوو لە هەوڵدابوو بۆ گەیشتن بە رێککەوتن بۆ گواستنەوەی یاریزانە ئیتاڵیەکە، لەو رووەشەوە ئومێدێکی زۆری هەبوو کە لە بەرژەوەندی خۆی یەکلایی دەکاتەوە، بەڵام چێڵسی لەپڕێکدا هاتەنێو کێبڕکێکەوە و بە ئۆفەرێکی 50 ملیۆن یۆرۆیی لەگەڵ ئاتالانتا گەیشتووەتە رێککەوتن بۆ گواستنەوەی مارکۆی تەمەن 21 ساڵ کە لە بەرگریی لای راست یاریی دەکات.

چێڵسی ریمۆنتادای گواستنەوەی بەسەر ئینتەر میلاندا کرد

بەگوێرەی زانیارییەکانی فابریزیۆ رۆمانۆ، سبەی هەینی پالێسترا وەک یاریزانی نوێی بلووز پشکنینە پزیشکیەکانی ئەنجام دەدات.

سەبارەت بە ماوەی گرێبەستەکەی، رۆمانۆ ئاشکرایکردووە مارکۆ واژۆ لەسەر گرێبەستێکی ماوەدرێژ دەکات کە تا ساڵی 2032 لە ستامفۆردبریج دەمێنێتەوە لەگەڵ بژاردەی درێژکردنەوە بۆ ساڵێک زیاتریش.

یاریزانە ئیتاڵیەکە تایبەتمەدنی فرە رۆڵی هەیە. دەتوانێت لە هەردوو پێگەی بەرگری چەپ و راست و پێگەی دیکەش یاریی بکات. بەوەش چاوەڕواندەکرێت رەگەزێکی سەرەکیت بێت لە تیمەکەی چابی ئالۆنسۆ کە تازە پۆستی راهێنەرایەتی یانەکەی وەگرتووە.

🚨🔵 Marco Palestra will undergo medical in London on Friday as new Chelsea player.

Travelling to England to seal move from Atalanta as Palestra will sign contract until June 2032 plus option until 2033. pic.twitter.com/tzRrRlSIPT

— Fabrizio Romano (@FabrizioRomano) June 25, 2026