بایرن میونشن داهاتووی کیمیچ یەکلاییدەکاتەوە
لە چەند رۆژی داهاتوودا هەموو شتێک یەکلاییدەبێتەوە
یاریگا –
گفتوگۆکانی نێوان جۆشوا کیمیچ و دەستەی کارگێڕی بایرن میونشن لەبارەی نوێکردنەوەی گرێبەستەکەی دەستییانپێکرد.
فلۆریان پلێتنبێرگ، رۆژنامەنووسی دیاری مێرکاتۆی یاریزانان لە پۆستێکدا لە پلاتفۆڕمی ئێکس بڵاویکردووەتەوە، سەرەڕای زۆربوونی دەنگۆکان لەبارەی داهاتووی کیمیچ، بەڵام ئێستا گفتوگۆکانی مانەوەی لەژێر سەرکردایەتی ڤینسێنت کۆمپانی دەستیانپێکردووە.
ماکس ئێبێرل، بەڕێوەبەری وەرزی میونشن لە سیۆلی پایتەختی کۆریای باشوور روونیکردەوە
جۆشوا یاریزانێکی گرنگی بایرن میونشنە و پێشبینی مانەوەی دەکەین.
🚨First talks between FC Bayern and Joshua #Kimmich about a possible new contract beyond 2025 have taken place! More will follow …
„Joshua has been an important player for FC Bayern for many years and is expected to continue to be in the future“, Max Eberl announces in Seoul.… pic.twitter.com/b31P5Jp530
— Florian Plettenberg (@Plettigoal) August 4, 2024
فلۆریان روونیکردووەتەوە، بایرن ئامادەیە گفتوگۆ لەسەر ئۆفەرە گەورەکان بکات، بەڵام پێدەچێت کیمیچ رای خۆی گۆڕیبێت و دەیەوێت لە ئالیانز ئارێنا بمێنێتەوە.
پاریس سانجێرمان یەکێکە لەو یانانەی لە نزیکەوە چاودێری دۆخی کیمیچ دەکات و چاوەڕێی رووناکی سەوزی یاریزانە ئەڵمانییەکەیە.
میونشن دەیەوێت گرێبەستی کیمیچ بە کەمکردنەوەی مووچەکەی نوێبکاتەوە، چونکە مووچەی ساڵانەی ئێستای دەگاتە 20 ملیۆن یۆرۆ.
