ئارسیناڵ بژاردەی كڕینەوەی گرێبەستی یاریزانێكی چالاك كرد
یاریگا –
یانەی ئارسیناڵی ئینگلیزی بە شێوەیەكی فەرمی بڕگەی كڕینەوەی گرێبەستی خواستنی دەیڤد رایای ئیسپانی و گۆڵپارێزی برێنتفۆردی ئینگلیزی كارا كرد.
رایا لە هاوینی رابردوودا بە شێوەی خواستن و تا كۆتایی وەرز پەیوەندی بە ریزەكانی ئارسیناڵەوە كرد.
لە وەرزی رابردوودا رایا ئاستێكی بەرزی لەگەڵ گەنەرز پێشكەشكرد و لە زۆربەی یارییەكان میكێل ئارتێتا وەك گۆڵپارێزی سەرەكی بەشداری پێدەكرد.
David Raya, here to stay 👊
It’s official: last season’s Golden Glove winner has signed a permanent deal at The Arsenal ❤️
— Arsenal (@Arsenal) July 4, 2024
هەژماری فەرمی ئارسیناڵ لە پلاتفۆرمی ئێكس رایگەیاند، دەیڤد رایا بە شێوەی هەمیشەیی پەیوەندی بە یانەكەوە دەكات و گرێبەستێكی درێژ واژۆ دەكات.
وەرزی رابردوو رایا لەگەڵ گەنەرز بەشداری لە 41 یاریدا كرد و لە 20 یاری تۆڕی گۆڵەكەی بە خاوێنی هێشتەوە و توانی خەڵاتی دەستكێشی ئاڵتوونی بباتەوە.
