یاریگا –
بەهۆی کردنی گرەوەی وەرزشی، ساندرۆ تۆنالی بۆ ماوەی 10 مانگ سڕدەکرێت.
رۆژنامەی لاگازێتا دیلۆ سپۆرت بڵاویکردووەتەوە، پاش تۆمەتبارکرانی ساندرۆ تۆنالی بە کردنی گرەوی وەرزشی، ئەمڕۆ سزای یاریزانەکە راگەیەندرا، ناوبراو بۆ ماوەی 10 مانگ لە یاریکردن سڕدەکرێت.
رۆژنامە ئیتاڵییەکە ئاماژەی بەوەشکردووە، جیا لەو 10 مانگە یاریزانەکە 8 مانگی دیکەش لە چوارچێوەی پڕۆسەی دوورکەوتنەوە لە قومارکردن بەسەردەبات، بەوشێوەیەش کۆی ماوەی سڕکرانی دەبێت بە 18 مانگ.
Tonali, 10 mesi di squalifica: accordo vicino. Da definire le pene alternative https://t.co/742j3Lc997
— La Gazzetta dello Sport (@Gazzetta_it) October 25, 2023
هاوکات رۆژنامەنووسی باوەڕپێکراو، فابریزیۆ رۆمانۆ هەمان هەواڵی دووپاتکردووەتەوە و دڵنیایی داوە یاریزانەکە بۆ ماوەی 10 مانگ سزای سڕکرانی بەسەردا سەپێنراوە.
تۆنالی لە هاوینی ئەمساڵ بە بڕی 64 ملیۆن یۆرۆ، لە ئەیسی میلانەوە گواسترایەوە بۆ نیوکاسڵ یونایتد، گرێبەستەکەی بوو بە گرانبەهاتری گرێبەستی یاریزانێکی ئیتاڵی لە مێژوودا.
بەڵام خۆشییەکانی زۆری نەخایاند، ئەم سزا قورسە رێچکەی کاروانی وەرزشی یاریزانە ئیتاڵییەکە بەتەواوی دەگۆڕێت.
🚨⚪️⚫️ Sandro Tonali will be banned for 10 month — sources confirm final indications, waiting on statement.
He won’t be able to play for 10 months due to gambling addition scandal.
There will be additional months of participation in gambling rehab plan, same as Nicoló Fagioli. pic.twitter.com/USw2ynRE9V
— Fabrizio Romano (@FabrizioRomano) October 25, 2023
