یاریگا
ئارسیناڵ لە یاریی لوتکەی گەڕی هەشتەمی پرێمەرلیگ میوانداری مانچێستەر سیتی کرد و یارییەکەی بە ئەنجامی 1-0 بردەوە.
گەنەرز دوای 12 دۆڕانی لەسەر یەک، ئەمجارەیان بە هیوای بردنەوە لە یاریگای ئیماڕات رووبەڕووی ستیزن بووەوە.
نیوەی یەکەمی یارییەکە سەرەڕای چەندین هەوڵی یاریزانانی هەردوولا، بەڵام هیچ گۆڵێک نەکرا و نیوەی یەکەم بە ئەنجامێکی سپی کۆتایی هات.
نیوەی دووەم راهێنەرانی هەردوو یانە لە پێناو نوێکردنەوەی هێزی تیپەکەیان چەند گۆڕانکاریەکیان کرد. یارییەکە تاوەکو کۆتاییەکانیش هاوشێوەی نیوەی یەکەم بوو.
گۆڕانکارییەکانی میکێل ئارتێتا راهێنەری ئارسیناڵ لە نیوەی دووەم بەرهەمیان هەبوو، لە خولەکی 86 بە ئاسیستێکی کای هاڤێرتز، مارتینێلی توانی تاکە گۆڵی یارییەکە تۆمار بکات.
بەم شێوەیە ئارسیناڵ سێ خاڵی یارییەکەی بەدەستهێنا و بە کۆکردنەوەی 23 خاڵ پێشەنگایەتی پرێمەرلیگی بە تۆتێنهام چۆڵکرد، مان سیتیش تووشی دووەم دۆڕانی لەسەر یەک بوو و لە پلەی سێیەمی ریزبەندی مایەوە.
