فەرمی؛ مانچێستەر سیتی یەکێک لە گەورەترین گرێبەستەکانی مێژووی رایگەیاند
یاریگا –
بەفەرمی ئێلیۆت ئاندێرسن، ناوەڕاستکاری ئینگلیزی پەیوەندی بە مانچێستەر سیتی کرد.
مانچێستەر سیتی بەشێوەیەکی فەرمی رایگەیاند، لەگەڵ نۆتینگهام فۆڕێست گەیشتوونەتە رێککەوتن و ئاندێرسن، ناوەڕاستکاری نۆتینگهام دوای مۆندیال پەیوەندی بە مانچێستەر سیتی دەکات.
مانچێستەر سیتی ئاماژەی بەوەش کردووە، ئێلیۆت ئاندێرسن لە ئەمریکا پشکنینی پزیشکی بە سەرکەوتوویی تێپەڕاندووە و دوای مۆندیال گرێبەستەکەی لەگەڵ سیتیزنس واژۆ دەکات.
بەگوێرەی زانیارییەکانی سکای سپۆرتس، گرێبەستەکەی ئێلیۆت ئاندێرسن لەگەڵ مانچێستەر سیتی بۆ ماوەی پێنج وەرز دەبێت و مانچێستەر سیتی بڕی 116 ملیۆن پاوەند بە نۆتینگهام دەدات و 14 ملیۆنی دیکەش وەکوو پاداشت بە نۆتینگهام دەدرێت و کۆی تیچووی گرێبەستەکە دەگاتە 130 ملیۆن پاوەند و بەمەش دەبێتە یەکێک لە گرانبەهاترین گرێبەستەکان.
Manchester City and Nottingham Forest have reached an agreement for the transfer of Elliot Anderson.
Read more 🔗 https://t.co/9LdDn5182n pic.twitter.com/pX7HDVXRq9
— Manchester City (@ManCity) July 2, 2026
ئێلیۆت ئاندێرسن لە هاوینی 2024 نیوکاسڵ یونایتدی جێهێشت و بە 41 ملیۆن یۆرۆ پەیوەندی بە نۆتینگهام فۆڕێست کرد.
بە درێسی نۆتینگهام لە سەرجەم پاڵەوانێتییەکان بەشداریی 92 یاریی کردوو، شەش گۆڵی کردووە و 11 گۆڵی دروست کردووە.
