یاریگا –
یانەی لیڤەرپوولی ئینگلیزی گرێبەستی كۆنستانتینۆس سیمیكاس بەرگریكاری یۆنانی یانەكەی بۆ ماوەیەكی دوور و درێژ نوێ كردەوە.
رێدز دەیەوێت ریزەكانی یانەكەی پتەو بكات و ئامانجیشی نوێكردنەوەی گرێبەستی یاریزانە لاوەكانیەتی.
لە بەیاننامەیەكی فەرمیدا كە لە تۆڕی كۆمەڵایەتی ئێكس بڵاویانكردووەتەوە نوێكردنەوەی گرێبەستی كۆنستانتینۆس سیمیكاسیان راگەیاند.
لە بەیاننامەكەدا هاتووە: یاریزانە یۆنانیەكە كە لە هاوینی ساڵی 2020 پەیوەندی بە یانەكەمانەوە كرد، گرێبەستەكەی نوێ كردەوە.
Kostas Tsimikas has signed a new long-term contract with #LFC 🙌
— Liverpool FC (@LFC) September 25, 2023
سیمیكاس لە دوای نوێكردنەوەی گرێبەستەكەی ووتی: هەست بە دڵخۆشییەکی زۆر دەکەم کە لێرەم و گرێبەستەکەم نوێ دەکەمەوە، هەست دەکەم هەموو ئەو قوربانیانەی کە داومە، ئەو کارانەی کە کردوومە، هەمووی سوودی هەیە.
بەردەوام بوو ووتیشی: پێموایە ئەم تیپە توانایەکی زۆر گەورەی هەیە بۆ بەدەستهێنانی نازناوی زیاتر و هەوڵدەدەین بۆ بەدەستهێنانی سەرجەم نازناوەكان، پێم وایە هەمووان 100% ئامادەن و سەرنجیان لەسەر یارییەکانی داهاتووە بۆ بەدەستهێنانی شتی گەورە لە داهاتوودا.
