ئەستێرەکانی سێپاهان بەرەو هەولێر بەڕێ کەوتن

یاریگا –

بەرەبەیانی ئەمڕۆ یەکشەممە ئەندامانی تیپی تۆپی پێی سێپاهان بەرەو هەولێری پایتەختی کوردستان بەڕێکەوتن بۆ رووبەڕوبوونەوەی یانەی قوەجەویەی عێراقی لە یاری خولی یانە پاڵەوانەکانی ئاسیا.

لە کۆمەڵەی سێیەمی ئەم پاڵەوانەتییەدا، قوەجەویە لەگەڵ تیپەکانی سێپاهانی ئیران،ئیتحادی سعودی و ئەی جی ئێم کەی ئۆزبەکستان لە یەک کۆمەڵەدایە، و لە یەکەم یاری رۆژی دووشەممە 18ی سێپتێمبەر کاتژمێر 19:00 لە یاریگای فرانسۆ هەریری هەولێر رووبەڕوی سێپاهانی ئیران دەبێتەوە.

ئەم یارییە بە بەکارهێنانی سیسیەمی VAR بەڕێوەدەچێت و چینی مانینگ وەکوو ناوبژیوانی یارییەکە هەڵبژێردراوە.

هەروەها ژۆو فی و ژانگ چێنگ و ژانگ لی وەکوو ناوبژیوانی هێل لە یاریگادا ئامادە دەبن، فو مینگ ناوبژیوانی VAR دەبێت.
پێویستە ئاماژە بەوە بکرێت کە ئەم یارییە لەلایەن تیپی ناوبژیوانی چینییەوە بە تەکنەلۆژیای VAR بەڕێوە دەچێت.