ئێریک بەیڵی پەیوەندی بە بێشیکتاشەوە کرد
یاریگا –
ئێریک بەیلی، ریزەکانی مانچێستەر یونایتدی جێهێشت و بە گرێبەستێکی هەمیشەیی پەیوەندی بە بێشیکتاشەوە کرد.
یاریزانی نێودەوڵەتی کۆتدیڤواری لە هاوینی ساڵی 2016 لە ڤیاڕیالەوە پەیوەندی بە مان یونایتدەوە کرد، ئەوکاتە خۆسێ مۆرینیۆ، راهێنەری شەیتانە سوورەکان بوو.
Thank you for everything and good luck, @EricBailly24 ❤️#MUFC
— Manchester United (@ManUtd) September 5, 2023
بەیڵی ئەندامێکی کارای پێکهاتەکەی مۆرینیۆ بوو، کاتێک لە وەرزی 2016/2017 سێ نازناویان جامی کاراباو، یۆرۆپالیگ و جامی قەڵخانی خێرخوازیان بەدەستهێنا.
لە ماوەی حەوت ساڵدا، بەیڵی بەشداری لە 113 یاریدا کرد، هەرچەندە لە وەرزی رابردوو بە خواستن یاری بۆ ئۆڵێمپیک مارسیلیا کرد و 23 یاری لەسەر ئاستی تەواوی پاڵەوانیەتییەکان کرد.
Beşiktaş’a Hoş Geldin Eric Bailly
Kulübümüz, Fildişili defans oyuncusu Eric Bailly’nin nihai transferi hususunda Manchester United ile anlaşmaya varmıştır.
Kulübümüze önemli hizmetlerde bulunacağına inandığımız Eric Bailly’e şanlı formamızla üstün başarılar diler, kamuoyunun… pic.twitter.com/fQPb59vyzb
— Beşiktaş JK (@Besiktas) September 4, 2023
لە دوای گواستنەوەی رافایێل ڤاران، لیساندرۆ مارتینێز، ڤیکتۆر لیندێلۆف و جۆنی ئیڤانز، دەرفەتەکانی بەشداری کردنی لە یارییەکان کەمبووەوە، بۆیە بڕیاری جێهێشتنی ئۆڵدترافۆردی دا.
مانچێستەر یونایتد لە دوای تەواوبوونی یارییە نێودەوڵەتییەکان، لە یاریگای خۆی میوانداری برایتن دەکات.
