یاریگا-
ڕاپۆرتە رۆژنامەوانیەكانی ئیتاڵیا ئاشكرایانكرد، بارسێلۆنا دەستیکردووە بە ئامادەکاری بۆ ڕزگاربوون لە یاریزانە زیادەکانی یانەكەی، دوای گرێبەستە نوێیەکانی كە لە ماوەی گواستنەوەكانی هاوینەدا ئەنجامیدا.
بارسێلۆنا گرێبەستی لەگەڵ هەریەك لە ڕۆبەرت لیڤاندۆڤسکی و جول کۆندی و رافینیا و ئەندریاس کریستنسن و فرانک کیسی واژۆ کرد.
بەگوێرەی رۆژنامەی “تۆتۆ سپۆرت”ی ئیتاڵی، چەندین یاریزان هەن کە گرەنتی بەردەوامبوونیان لە کامپ نۆ نیە ، لەوانە میرالێم پیانیچ و میمفیس دیپای.
رۆژنامەکە ئاماژەی بەوەشکردووە، یوڤێنتوس ئارەزووی ئەوە دەکات یاریزانەکان بگوازێتەوە یانەكەی، بەتایبەت پیانیچ کە لەلایەن ماكسیمیلیانۆ ئەلیگری راهێنەری یانەکەوە پێشوازی لێدەکرێت.
