لوکا یۆڤیچ ریزەکانی ریال مەدرید جێدێڵێت

یاریگا–
لوکا یۆڤیچ، هێرشبەری سڕبی یانەی ریال مەدریدی ئیسپانیا نزیکە لە جێهێشتنی ریزەکانی بەشێوەی خواستن بۆ ریزەکانی یانەی فیۆرێنتینای ئیتاڵی.

فابریزیۆ رۆمانۆ بڵاویکردەوە، یانە ئیتاڵیەکە داوا لە کارگێری مێرنگی دەکات لانیکەم 50%ی مووچەی لۆکا یۆڤیچ دابین بکات بۆ ئەوەی گرێبەستەکە بە خواستن بۆ ماوەی یەک وەرز تەواو بکات. واتە 3 ملیۆن یۆرۆ بۆ ئەوان، 3 ملیۆن یۆرۆی دیکە بۆ یانە ئیسپانیەکە تا مانگی حوزەیرانی 2023.

رۆمانۆ بڵاویشی کردەوە دانوستانەکان بەردەوامن بۆ دۆزینەوەی چارەسەرێک بە زووترین کات، بۆ ئەوەی یۆڤیچ وەرزی داهاتوو لە سێریائەی یاری بکات.