یاریگا –
جۆزێ مۆرینیۆ، راهێنەری پۆرتوگالی گەڕایەوە ریال مەدرید و وەکوو راهێنەری نوێ دەستنیشانکرا.
هەژماری فەرمی بێنفیكا بەشێوەیەکی فەرمی رایگەیاند، ریال مەدرید خواستی خۆی بۆ گواستنەوەی جۆزێ مۆرینیۆ دەربڕی و راهێنەرەكەش رەزامەندی خۆی دەربڕیوە.
ریال مەدرید 15 ملیۆن یۆرۆی بۆ گواستنەوەی جۆزێ مۆرینیۆ بە بێنفیكا داوە.
A Benfica SAD comunicou à CMVM que o Real Madrid CF formalizou a intenção de contratar José Mourinho pelo valor de 15 milhões de euros, tendo o treinador dado o seu acordo.
Obrigado, José Mourinho. pic.twitter.com/KXZ6niXRWo
— SL Benfica (@SLBenfica) June 9, 2026
یەکشەممە 8ـی حوزەیرانی 2026 هەڵبژاردنی سەرۆکایەتیی ریال مەدرید بەڕێوەچوو، فلۆرێنتینۆ پێرێز سەرکەوت بەسەر ئێنریکێ ریکێلمی و جارێکی دیکە وەکوو سەرۆکی ریال مەدرید هەڵبژێردرایەوە.
پێرێز دوای هەڵبژێردرانەوە وەکوو سەرۆکی ریال مەدرید، راستەوخۆ بەخێرهاتنی جۆزێ مۆرینیۆی بۆ ریال مەدرید کرد و جۆزێ لەسەر داوای خودی پێرێز دەگەڕێتەوە یانەکە.
مۆرینیۆ پێشتر لە هاوینی 2010 پۆستی راهێنەرایەتی ریال مەدریدی وەرگرتووە و تاوەکوو هاوینی 2013 سەرپەرشتی یانەکەی کردووە.
جۆزێ لە 178 یاریی راهێنەری ریال مەدرید بووە، 127 یاریی بردووەتەوە، 28 یەکسانبووە و 23 یاریی تووشی شکست بووە.
مۆرینیۆ لەگەڵ ریال مەدرید نازناوێکی لالیگا، نازناوێکی جامی شای ئیسپانیا و نازناوێکی جامی سوپەری ئیسپانیای بەدەستهێناوە.
