بایرن میونشن ئۆفەرێکی دیکە پێشکەش بە لیڤەرپوول دەکات

یاریگا–
یانەی بایرن میونشنی ئەڵمانیا بەردەوامە لەسەر هەوڵەکانی بۆ گواستنەوەی سادیۆ مانێ، هێرشبەری سەنیگالی یانەی لیڤەرپوولی ئینگلیزی.

رۆژنامەی وەرزشی بیڵدی ئەڵمانی بڵاویکردەوە، باڤارییەکان لە ماوەی رابردوو دوو ئۆفەریان بۆ گواستنەوەی گۆڵکارە سەنیگالیەکە پێشکەش کردووە، بەڵام رێز رازی نەبووە. بۆیە یانە ئەڵمانیەکە ئامادەکاری بۆ ئۆفەری سێیەم دەکات و بەم زووانە پێشکەشی دەکەن.

بیڵد هێمای بۆ ئەمەش کردووە، ئۆفەرەکەی ئەمجارەی بایرن میونشن 35 ملیۆن یۆرۆ لەگەڵ 5 ملیۆن یۆرۆ پاداشت دەبێت.