یاریگا-
یانەی ڕیاڵ مەدریدی ئیسپانی لە ئێستا كار لەسەر نوێكردنەوەی یانەكە دەكات ، بەمەبەستی زیاتر بەهێزكردنی یانەكە و بەردەوام بوون لەسەر بردنەوەی نازناوەكان.
لەم وەرزەدا یانە شاهانەكە توانی ببێتە پاڵەوانی خولی ئیسپانیا و خولی یانە پاڵەوانەكانی ئەوروپا و سوپەری ئیسپانیا بباتەوە.
بەپێی زانیاریەكانی ڕۆژنامەی ماركای ئیسپانی تا ئێستا چارەنوسی شەش یاریزان دیاری نەكراوە بە ڕۆشتن بێ یان مانەوە ، دوای ئەوەی چارەنوسی هەریەك لە فرانچیسكۆ ئیسكۆ ، گاریس بەیڵ و مارسێلۆ بە ڕۆشتن لە یانەكە یەكلابوویەوە.
ڕۆژنامەكە ئەوەشی ئاشكرا كردووە هەریەك لە سیبایۆس ، ئەسینسیۆ ، ڤاییخۆ ، یۆڤیچ ، دیاز و لۆنین تا ئێستا چارەنوسیان یەكلا نەبووەتەوە.
گرێبەستی هەریەك لە سیبایۆس ، ئەسینسیۆ ، دیاز لە ساڵی 2023 بەسەردەچێت و لۆنین لە 2024 و هەریەك لە ڤاییخۆ و یۆڤیچ لە 2025 لەگەڵ یسنە شاهانەكە بەسەردەچێت و تا ئێستا هیچ ئۆفەرێكیان بە مەبەستی نوێكردنەوەی گرێبەستەكانیان پێشكەش نەكراوە.
