تۆنی کرۆس بە کورتە پەیامێک وەڵامی فیکە و هووهای سعودیەکانی دایەوە
یاریگا –
تۆنی کرۆس بە بڵاوکردنەوەی پەیامێکی کورت وەڵامی فیکەی ناڕەزایی سعودیەکانی دایەوە کە شەوی ڕابردوو لە دژی ناوبراو ئەنجامیان دەدا.
لە میانی یارییە دراماتیکیەکەی ڕیاڵ مەدرید و ئەتڵەتیکۆ لە جامی سوپەری ئیسپانیا کە لە یاریگای ئەول پارک بەڕێوە چوو، کرۆس هەر لەگەڵ هاتنە ناوەوەی لە جێگەی لوکا مۆدریچ و بەکەوتنی قاچی بە تۆپ، لەلایەن هاندەرە سعودیەکانەوە فیکە و هووهای لێ دەکرا. ئەوەش بەهۆی ئەو لێدوانانەی ئەستێرە ئەڵمانییەکە لە هاوینی ڕابردوو کە ڕایگەیاندبوو هەر یاریزانێک ڕوو بکاتە خولی سعودیە لە پێناو پارەیە و، بەوەشەوە نەوەستا و تەنانەت ڕەخنەی لە مافی مرۆڤ لەو وڵاتەیش گرت.
Full story: https://t.co/xkWAZuV6xa
— SPORTbible (@sportbible) January 11, 2024
دوای یارییەکە، ئەنچلۆتی ڕاهێنەر بێئاگایی لە هۆکاری ناڕەزایەتییەکان پیشان دا و ڕاشیگەیاند کە ڕەنگە خودی کرۆسیش تێنەگەشتبێت بۆ چی وای لە دژ کراوە.
لە ڕێگەی پەیامێکی کورتەوە، یاریسازەکەی مێرەنگی پێچەوانە ڕەفتاری کرد و نووسی “ڕۆژێکی پڕ چێژ بوو ئەمڕۆ. هاندەرانیش سەرنجڕاکێش بوون!”
That was fun today! Amazing crowd😍
— Toni Kroos (@ToniKroos) January 10, 2024
شاهانەکان 5-3 سەکەوتن بەسەر کوڕانی دیگۆ سیمیۆنی و، لە یاریی کۆتایی چاوەڕێی براوەی ئەمشەوی نێوان بارسێلۆنا و ئۆساسۆنا دەکەن.
