یاریگا –
یانەی سەندرلاند بەشێوەیەکی فەرمی ئەو ئۆفەرەی یانەی چێڵسیی رەتکردەوە کە بۆ بەدەستهێنانی واژۆی گڕانیت چاکا کاپتنی تیپەکە پێشکەشیان کردبوو.
دەیڤد ئۆرنشتاین، رۆژنامەنووسی تۆڕی ئاتلێتیک بڵاویکردووەتەوە، سەندرلاند ئۆفەرە 8 ملیۆن پاوەندییەکەی چێڵسی بۆ گواستنەوەی گرانیت چاکا رەتکردەوە
🚨 EXCL: Sunderland reject £8m offer from Chelsea to sign Granit Xhaka. #SAFC told #CFC 33yo not for sale at any price. Stamford Bridge club felt bid fair but PL rivals viewed as unacceptable + insist no further proposals will be entertained @TheAthleticFC https://t.co/NXHnJPkzL5
— David Ornstein (@David_Ornstein) June 28, 2026
بەگوێرەی زانیارییەکانی هەمان سەرچاوە، چێڵسی لەسەر داوای چابی ئاڵۆنسۆ، راهێنەری نوێی یانەکە هەوڵی گواستنەوەی چاکای دا و ئۆفەری پێشکەش کرد بەڵام سەندرلاند ئۆفەرەکەی بە بێڕێزی بەرامبەر خودی یاریزانەکە و یانەکە لە قەڵەم داوە.
هۆکاری سەرەکیی هەوڵەکانی چێڵسی دەگەڕێتەوە بۆ چابی ئاڵۆنسۆ؛ ئەم دووانە پێشتر لە بەیەر لیڤەرکوزن پێکەوە کاریان کردووە و ئەو وەرزە مێژووییەیان بەڕێکرد کە تێیدا بە بێ شکست نازناوەکانی ئەڵمانیایان بردەوە.
راهێنەرە ئیسپانییەکە دەیەوێت یاریزانێکی باوەڕپێکراو و ئەزمووندار هەبێت بۆ ئەوەی سەرکردایەتی هێڵی ناوەڕاست بکات.
کاپتنە سویسراییەکە گرێبەستەکەی تاوەکوو هاوینی ساڵی 2028 درێژەی هەیە و یانەکە پێداگرە لەسەر ئەوەی چیدیکە هیچ ئۆفەرێک لە چێڵسی وەرناگرن و دەبێت پێگە و گرێبەستەکەی یاریزانەکە رێزی لێ بگیرێت.
