یاریگا-
كریستیانۆ ڕۆناڵدۆی پورتوگالی و ئەستێرەی یانەی مانچێستەر یونایتدی ئینگلیزی دوو ژمارەی پێوانەیی نوێی تۆمار كرد.
نۆرویچ سیتی لەیاریگای خۆیدا میوانداری مانچێستەر یونایتدی كرد و یاریەكە بە گۆڵێكی كریستیانۆ ڕۆناڵدۆ بۆ شەیتانە سورەكان كۆتایی هات ،لە میانەی یاریەكانی هەفتەی 16ی پریمەرلیگ.
بەپێی زانیاریەكانی تۆڕی سكای سپۆرت نۆرویچ سیتی چوویە ڕیزی ئەویانانەی دۆن گۆڵی لێ تۆمار كردوون و لەئێستادا گۆڵی بەرامبەر 120 یانە تۆمار كردووە لە كۆی 160 یانە كە ڕووبەڕووی بووەتەوە.
هەروەها بەپێی تۆڕی ئۆپتا كە تایبەتە بە ژمارە و ئامارەكان ڕۆناڵدۆ سێیەم یاریزانی مانچێستەر یونایتدە لە وەرزێكدا لە ژێر ڕاهێنەرایەتیكردنی سێ ڕاهێنەردا گۆڵ تۆمار بكات ( سۆلشایەر ، كاریك ، ڕاگنیك ) لەدوای جەیمس هانسۆن و جۆ سبیس.
