یاریگا-
پیدرۆ براڤۆ ، بەڕێوەبەری پێشووی كارەكانی سێرجیۆ ڕامۆسی كاپتنی پێشووی یانەی ڕیاڵ مەدرید ، باس لە ڕۆشتنی یاریزانەكە دەكات لە ڕیزەكانی یانەكەی.
دوای 16 ساڵ لە پۆشینی درێسی یانە شاهانەكە و دوای ئەوەی ڕێكنەكەوتن لەسەر نوێكردنەوەی گرێبەستەكەی ڕیاڵ مەدرید ڕۆشتنی ڕامۆسی لە یانەكەی ڕاگەیاند.
پیدرۆ براڤۆ لە هەژماری تایبەتی خۆی لە تۆڕی كۆمەڵایەتی تویتەر نووسیوویەتی:
” ئەوەی 16 ساڵ پێش ئێستا ڕامۆسی هێنایە ڕیال مەدرید ، هەرگیز ڕێگەی نەدەدا بەو شێوەیە یانەكە جێبهێڵێت ، هیچ كات نەمدەهێڵا ئەو گرژی و ئاڵۆزی و دزەكردن و بەسەرچوون لە دانوستەكانداڕووبدات ، بەهیچ شێوەیەك ڕیال مەدرید دیالۆگ و دانوستەكانی بەشێوەیەكی پیشەیی پشتگوێ ناخات ”.
براڤۆ بەڕێوەبەری پێشووی كارەكانی ڕامۆس یاریزانەكەی لە سێڤییاوە بۆ مەدرید گواستەوە.
شایەنی باسە تا ئێستا بەرگریكارەكەی لارۆخا داهاتووی خۆی ئاشكرا نەكردووە و زۆربەی سەرچاوەكان ئاماژە بە نزیكبوونەوەی دەكەن لە پاریس سان جێرمان.
