مۆراتا: كریستیانۆ ڕۆناڵدۆ باشترین هێرشبەری مێژووە

یاریگا-

ئەلڤارۆ مۆراتای ئیسپانی و هێرشبەری یانەی یوڤێنتوسی ئیتاڵی دووپاتیكردەوە كریستیانۆ ڕۆناڵدۆ باشترین هێرشبەری مێژووی تۆپی پێیە.

یوڤێنتوس لە یاریگای خۆی میوانداری لازیۆی كرد و یاریەكەی بە سێ گۆڵ بەرامبەر بە گۆڵێك لێ بردەوە و مۆراتا دوو گۆڵی خانمە پیرەكەی تۆمار كرد.

لە دوای یاریەكە مۆراتا ووتی: كاتێك شانبەشانی باشترین هێرشبەری مێژوو یاری دەكەیت دەبێت بیر لەوە بكەیتەوە تۆپەكەی ئاڕاستە بكەیت وەك لەوەی بیر لە تۆماركردنی گۆڵ بكەیتەوە ، بەلام كاتێك ئامادە نیە دەبێت بیر لە گۆڵ تۆماركردن بكەیتەوە ، بەڵام ئەو وەك ئامێر وایە دەبێت تۆپەكەی پێ بدەیت چونكە هەموو جارێك گۆڵ تۆمار دەكات.

سەبارەت بە پرسیاركردن لە دێربی مەدرید ووتی: بێگومان سەیری دەكەم ، ئەگەر لە ماڵەوە بووم ئەوا لە تەلەفزیۆن سەیری دەكەم بەڵام ئەگەر لە دەرەوە بوو ئەوا بە مۆبایل.

شایەنی باسە یوڤێنتوس لە ڕیزبەندی سێیەم دێت بە كۆكردنەوەی 52 خاڵ