یاریگا–
لیۆنێل میسی، گۆڵکاری مێژوویی یانەی بارسێلۆنا دوای یاریی یانەکەی بەرامبەر سێڤییا، درێسەکەی لەگەڵ یەکێک لە یاریزانەکانی ئەو یانەیە گۆڕییەوە، ئەمەش پێچەوانەی یاساکانە.
رۆژنامەی سپۆرتی ئیسپانی بڵاویکردووە، دوای کۆتایی هاتنی یاریی شەوی رابردوو، گۆڵکارە مێژووییەکەی بلاوگرانا درێسەکەی لەگەڵ یەکێک لە یاریزانەکانی بەرامبەر گۆڕییەوە، ئەمەش لەو کاتەی ڤایرۆسی کۆرۆنا بڵاوبووەتەوە لەلایەن فێدراسیۆنەکانەوە قەدەخەکراوە و سزاشی بۆ دانراوە.
بەم هۆیەوە چاوەڕێ دەکرێت لیژنەی تەمبێکاری، لە ئەنجومەنی لالیگای ئیسپانیا، سزای ماددی لیۆنێل میسی بدات.
