باشترین یاریزانی لاوی ئیتاڵیا بۆ ساڵی 2020 دەستنیشانكرا
یاریگا- ساندرۆ تۆنالی ، ئەستێرەی لاوی یانەی ئەیسی میلانی ئیتاڵی خەڵاتی باشترین یاریزانی لاو” golden boy”ی ئیتاڵیای بۆ ساڵی 2020 بردەوە.
دوای بردنەوەی خەڵاتەكە لاوە ئیتاڵیەكە دڵخۆشی خۆی دەربڕی ووتی: پەیوەندی كردنم بە میلانەوە یەكێك بوولە جوانترین شتەكانی ژیانم ، پێش ئەوەی پەیوەندی بە یانەكەوە بكەم لەگەڵ گاتۆزۆ قسەم كرد و ئەویش ئامۆژگاری كردم كە پەیوەندی بە یانەكەوە بكەم.
” لۆكا مۆدریچ یاریزانی دڵخوازی منە ، هەستێكی خۆشە سەیركردنی ئەو لە كاتی یاریكردنیدا ”.
هەروەها لای خۆیانەوە یانەی میلان پیرۆزباییان لە یاریزانەكە كرد و لە پەڕەی فەڕمی خۆیان لە تویتەر نووسیویانە: ” پیرۆزبایی لە ساندرۆ تۆنالی دەكەین بە بۆنەی بردنەوەی خەڵاتی باشترین یاریزانی لاوی ئیتاڵیا بۆ ساڵی 2020″.
Congratulations to Sandro Tonali, the 2020 Italian Golden Boy! 👏🥇
Sandro è il Golden Boy italiano 2020: complimenti! 👏🥇 #SempreMilan pic.twitter.com/ottPu7RDwQ— AC Milan (@acmilan) December 14, 2020
