مێسی ریکۆردێکی مێژووی خولی ئەمریکی شکاند

یاریگا –

لیۆنێل مێسی لە خولی ئەمریکیش بەردەوامە لە شکاندنی ژمارە پێوانەییەکان و ئەمشەویش ریکۆردێکی مێژووی تۆمارکرد.

ئینتەر مەیامی بە سەرکردایەتی ئەفسانە ئەرجەنتینیەکە توانی 4-2 لە تۆرنتۆ بباتەوە.

مێسی، کە وەک باشترینی یارییەکە هەڵبژێردرا، توانی گۆڵێک و دوو ئەسێست بکات.

دیمەنی گۆڵەکەی لیۆ:

LET’S GOOO! Our captain for the 4th goal ©️💫 pic.twitter.com/sAe7BW6gRv

— Inter Miami CF (@InterMiamiCF) May 9, 2026

بەوەش بووە خێراترین یاریزان لە مێژووی ئەو خولە ژمارەی بەشداریکردنی لە گۆڵدا بگەیەنێتە 100 بەشدرایی.

لەوەتەی هاوینی 2023 پەیوەندی بە مەیامی کردووە، لیۆ 64 یاریی لە خولی ئەمریکی ئەنجام داوە. تێیدا 59 گۆڵی تۆمارکردووە لەگەڵ 41 ئەسێست.

If you blink, you’ll miss it. Leo Messi fastest to 100 goal contributions in @mls pic.twitter.com/KKnIWBJi5D

— Inter Miami CF (@InterMiamiCF) May 9, 2026

ئینتەر مەیامی لەم وەرزە 12 یاریی ئەنجامداوە، بە 22 خاڵەوە لە پلەی دووەم دێت بەڵام دوو یاریی کەمتر بۆ ناشفیڵی پێشەنگ کە 23 خاڵی هەیە و هەروەها نیو ئینگلانی ریزبەندی سێیەم کە خاوەنی 19 خاڵە.

گۆڵی سێیەمی مەیامی لەلایەن ڕیگیلۆن بە ئەسێستی مێسی:

PRIMERO DE ROSA PARA REGUI 💓🇪🇸 pic.twitter.com/tTng9NGOML

— Inter Miami CF (@InterMiamiCF) May 9, 2026

گۆڵی دووەمی یانەکە لەلاین سوارێزەوە بە ئەسێستی لیۆ:

7 ➡️ 10 ➡️ 9. VAMOS LUCHO! 🔫 pic.twitter.com/tC8P26Iv9E

— Inter Miami CF (@InterMiamiCF) May 9, 2026

مێسی لە کاروانی وەرزشی خۆیدا کۆی گۆڵەکانی گەیاندە 907 گۆڵ و ژمارە ئەسێستەکانیشی بەرزکردەوە بۆ 410 ئەسێست.