یاریگا –
یەکێتیی یاریزانانی تۆپی پێی ئیتاڵیا باشترینەکانی وەرزی رابردووی سێریا ئەی دەستنیشانکرد.
ئینتەر میلان، بەشی زۆری خەڵاتەکانی بەدەستهێنا، ئەمەش بەهۆی باڵادەستی شینپۆشەکانی ئیتاڵیا بەسەر خولەکەوە.
ئیڤێنتی گران گالا دێل کالچیۆ بە ئامادەبوونی ژمارەیەکی زۆری ئەستێرە لە شاری میلان بەڕێوەچوو و تیایدا لاوتارۆ مارتینێز، هێرشبەری ئینتەر میلان، خەڵاتی باشترین یاریزانی خولەکەی بۆ وەرزی 2023-24 بەدەستهێنا.
نیرازۆری نازناوی وەرزی رابردووی سێریای بەدەستهێنا و ئەمەش بووە هۆکاری ئەوەی سیمۆنی ئینزاگی، راهێنەری یانەکە بە باشترین راهێنەری خولەکە دەستنیشان بکرێت.
Zirk is in the @SerieA Team of the Season 🌟#MUFC pic.twitter.com/i1irUUbR4E
— Manchester United (@ManUtd) December 2, 2024
ناوی هەریەکە لە ریکاردۆ کالافیۆری، بەرگریکاری ئارسیناڵ و جۆشوا زیرکزی، هێرشبەری مانچێستەر یونایتد لە باشترین پێکهاتەدا هەیە، هەرچەندە یاریزانەکان لە خولەکەدا نەماون.
مارکوس تورام، هێرشبەری ئینتەر میلان خەڵاتی جوانترین گۆڵی وەرزی رابردووی بەدەستهێنا. یەکێتییەکە گۆڵی تورامی لە بەرامبەر میلان 5-1 وەکو جوانترین گۆڵ هەڵبژارد.
Our Richy ❤️
Congratulations to Calafiori for being announced in the 2023/24 Serie A Team of the Year at tonight’s Gran Galà del Calcio ceremony 🏆 pic.twitter.com/JNdUB5BQp1
— Arsenal (@Arsenal) December 2, 2024
باشترین یاریزان
لاوتارۆ مارتینێز (ئینتەر)
باشترین پێکهاتە
سۆمەر (ئینتەر)؛ بێلانۆڤا (تۆرینۆ/ئاتاڵانتا)، باستۆنی (ئینتەر)، کالافیۆری (بۆڵۆنیا/ئارسیناڵ)، دیمارکۆ (ئینتەر)؛ بارێلا (ئینتەر)، چاڵهانئۆغڵو (ئینتەر)، کوپمەینەرس (ئاتاڵانتا/یوڤێنتوس)، زیرکزی (بۆڵۆنیا/مانچێستەر یونایتد)، مارتینێز (ئینتەر)، تورام (ئینتەر).
باشترین راهێنەر
سیمۆنی ئینزاگی (ئینتەر)
باشترین یانە
ئینتەر میلان
باشترین ناوبژیوان
دانیێلی ئۆرساتۆ
باشترین یاریزانی لاوی سێریا بی
فرانچێسکۆ پیۆ ئێسپۆزیتۆ (سپێزیا)
