یاریگا –
مارکوس راشفۆرد ئەستێرەی مانچێستەر یونایتد هیوایەکی گەورەی خراوەتەبەردەم بۆ بانگهێشتکردنەوەی بۆ هەڵبژاردەی ئینگلتەرا.
هێرشبەرە ئینگلیزیەکە لەوەتەی مانگی مارسی ئەم ساڵەوە یاری بۆ سێ شێرەکان نەکردووە لەو کاتەی هێشتا گاریس ساوسگەیت راهێنەربوو. تەنانەت بۆ یارییەکانی یۆرۆش بانگهێشی نەکرایەوە کاتێ بۆ جاری دووەم لەسەریەک گەشتنەوە بە یاریی کۆتایی.
ناوەڕاستی مانگی رابردووبوو کە تۆماس توخێلی ئەڵمانی وەک راهێنەر ئینگلتەرا دەستنیشانکرا لەدوای دوورخستنەوەی ساوسگەیت.
بەگوێرەی زانیارییەکانی رۆژنامەی سەنی ئینگلیزی، توخێل پەیوەندی بە راشفۆردەوە کردووە و پێی راگەیاندووە کە لە پلانەکانی ئەو راهێەرەدا هەیە.
سەرچاوە ئینگلیزیەکان و لەنێویشیاندە دەیلی مەیڵ نووسیویەتی کە راهێنەرە ئەڵمانییەکە دوورخستنەوەی راشفۆردی بۆ ئەو ماوە زۆرەیە بە هەڵە زانیوە کە گاریس ساوسگەیت پەڕاوێزی خستبوو. تەنانەت بەشێکی گەورەی هۆکارەکانی شکستهێنانی ئینگلاندی لە یۆرۆی 2024 بۆ بانگهێشتنەکردنەوەی راشفۆرد زانیوە. هەروەها توخێل پەسنێکی زۆری یاریزانەکەی کردووە.
هەر لەبەر ئەوەشە پەیوەندی بە مارکوسەوە کردووە و هانیداوە تا لەسەر ئاستی یانەکەی بەردەوامبێ لە کۆشش و پیشاندانی ئاست بۆ ئەوەی لە مانگی مارسی ساڵی داهاتوو کە یەکەم ئەرکی فەرمی توخێل دەبێت، یاریزانە 27 ساڵانەکە یەکێک بێت لە بژاردەکانی هێڵی هێرشبەریی.
🚨 Thomas Tuchel has handed Marcus Rashford an olive branch with England. The German told the Manchester United forward that he wants him in his squad – as long as he keeps his form up.
(Source: Sun on Sunday) pic.twitter.com/uD2NxbRJYR
— Transfer News Live (@DeadlineDayLive) November 10, 2024
