ڕیاڵ مەدرید پێوویستی بە چەند خاڵە تا خۆی بگەیەنێتە چامپیۆنس لیگی وەرزی داهاتوو

یاریگا- ئەم وەرزەی ڕیاڵ مەدرید خراپترین وەرزی یانە شاهانەكەیە دوای ئەوەی لە كێبڕكێی سەرجەم نازناوەكان دوورخرایەوە و هەردوو ڕاهێنەر جولیان لۆپتیگی و سانتیاگۆ سۆلاری شكستیان هێنا لە ڕاهێنەرایەتی یانەكە.

لەم وەرزەدا ڕیاڵ مەدرید تەنها 7 یاری ماوە كە سەرجەمیان لە خولی ئیسپانیە و پێویستی بە بردنەوەیە تا پارێزگاری لە پلەی سێیەمی ڕیزبەندی بكات.

دوای تێپەڕبوونی 31 هەفتە تەنها 60 خاڵیان كۆكردووەتەوە بە جیاوازی 8 خاڵ لە سێڤییای چوارەمەوە و 10 خاڵ لە خیتافی پێنجەمەوە دوورە.

لە كۆی ئەو یاریانەی كە ماوویەتی پێوویستی بە كۆكردنەوەی 11 خاڵە تا خۆی بگەیەنێتە خولی یانە پاڵەوانەكانی ئەوروپای وەرزی داهاتوو.