یاریگا –
گۆڵپارێزی مانجێستەر سیتی ئێدەرسن مۆڕایس گاڵتە بە هاندەرانی ئارسیناڵ دەکات.
شەوی رابردوو ئارسیناڵ لە گەڕی 33ـی پرێمەرلیگ تووشی شکستێکی سەخت بوو بەرامبەر بە مانچێستەر سیتی رکابەری، لە کاتی چوارەم گۆڵی سیتیزن دەرکەوتووە گۆڵپارێزی ئەو یانەیە گاڵتە بە هاندەرانی ئارسێناڵ دەکات.
MY GOALKEEPER😂😂😭😭 pic.twitter.com/uMn076Rpol
— Dan – Retro Shirts FC (@RetroShirtsFC) April 26, 2023
ئێدەرسن لە دوای گۆڵەکەی هالاند لە دوا ساتەکانی یارییەکە روو لە هاندەرانی ئارسێناڵ دەکات، زمانیان لێ دەردەهێنێت و بە جوڵەی دەستەکانی لە نزیک هەردوو چاوی ئاماژە بۆ گریانی هاندەرانی گەنەرز دەکات.
لە گرتە ڤیدیۆیەکی دیکەدا دەردەکەوێت بەشێک لە هاندەرانی مانچێستەر سیتی هانی گۆڵپارێزەکەیان دەدەن تا بەردەوامبێت لە گاڵتە کردنی زیاتر بە هاندەرانی تیپەکەی رکابەریان.
Stop Crying Your Heart Out😜 pic.twitter.com/FCKbaIDF9p
— Noisy Neighbors (@NoisyPod) April 26, 2023
مانچێستەر سیتی لەم وەرزە دەرفەتێکی زێڕینی لە پێشە تا سێ ناسناوە گەورەکە بە دەستبهینێت، کە لە یاری کۆتایی جامی یەکێیتی ئینگڵتەڕا رووبەڕووی مانچێستەر یونایتد دەبێتەوە.
لە قۆناخی پێش کۆتایی چامپیۆنزلیگیش بەرامبەر ریال مەدرید یاری دەکات، لە پرێمەرلیگیش لە کۆی ئەنجامدانی 31 یاری بە کۆکردنەوەی 73 خاڵ و بە جیاوازی 2 خاڵ لە دوای ئارسیناڵ پلەی دووەمی خولەکەی گرتووە.
بەڵام سیتیزن 2 یاری دواخراوی ماوە ئەنجامی بدات، بە بردنەوەی ئەو دوو یارییەش پێشەنگ بە گەنەرز چۆڵدەکەن و جارێکی دیکە خۆیان دەبنەوە بە پاڵەوانی ئینگڵتەڕا.
