بارسێلۆنا هیچ پەلەیەکی نیە لە نوێکردنەوەی گرێبەستی دێمبلی

یاریگا

یانەی بارسێلۆنای ئیسپانیا نایەوێت پەلە بکات لە نوێکردنەوەی گرێبەستی عوسمان دێمبلی هێرشبەری فەرەنسی یانەکەی.

فابریزیۆ رۆمانۆ رۆژنامەنوسی بەناوبانگی ئیتاڵی بڵاویکردەوە، گرێبەستی هێرشبەرە فەرەنسیەکەی بارسا ساڵی ڕابردوو دوای چەندینململانێیەکی زۆر درێژکرایەوە و لە ساڵی 2024 کۆتایی دێت، گرنگترین بڕگەش کە تێیدا ئاماژەی پێکراوە، بڕگەی هەڵوەشاندنەوەیەتیبەرامبەر 50 ملیۆن یۆرۆ و دەکرێت هاوینی داهاتوو کارابکرێت.

رۆمانۆ بڵاویشی کردەوە تاوەکو ئێستا دانوستانە فەرمییەکان بۆ درێژکردنەوەی گرێبەستەکە دەستی پێنەکردووە، بەڵام هەردوولا هیچپەلەیەکیان نییە و هەموو شتێک بە هێواشی بەرەوپێش دەچێت.

چاڤی راهێنەری بلاوگرانا دەیەوێت عوسمان دێمبلی لەگەڵ یانەکەیان بەردەوام بێت و خودی یاریزانەکەش لەگەڵ یانەکەی دڵخۆشە.

پێشبینی دەکرێت بەم نزیکانە کۆبوونەوەی نوێنەرانی دێمبلێ لەگەڵ سەرکردەکانی بارسا دەستپێبکات و لە ریزەکانی یانەی بارسێلۆناهەمووان ئەو یاریزانە باڵە فەرەنسییە تەمەن 25 ساڵە بە پارچەیەکی نەفرۆشراو دەزانن.