یاریگا
ناسر خلێفی، سەرۆكی یانەی پاریس سان جێرمانی فەڕەنسی باس لە نوێكردنەوەی گرێبەستی لیۆنێل مێسی، كیلیان ئێمباپێ و سێرجیۆ رامۆس دەكات.
گرێبەستەكەی مێسی لەگەڵ پاریس لە هاوینی ئەمساڵدا بەسەردەچێت و تا ئێستاش بڕیاری لەسەر داهاتووی خۆی نەداوە دیار نیە كە گرێبەستەكەی نوێ دەكاتەوە یان یانەكەی جێدەهێڵێت.
هەروەها گرێبەستەكەی سێرجیۆ رامۆسیش لە هاوینی ئەمساڵدا بەسەردەچێت و بەرگریكارە ئیسپانیەكەش روون نیە كە دەمێنێتەوە یاخود دەڕوات.
ناوی مێسی لەلایەن رۆژنامەكانەوە بە چەند یانەیەكەوە بەستراوەتەوە ئەوانیش گەڕانەوەی بۆ بارسێلۆنا ، یان پەیوەندیكردنی بە هیلالی سعودی ، یاخود پەیوەندیكردنی بە یانەی ئینتەر میامی ئەمریكی، هەروەها ناوی رامۆسیش بە یانەی نەسڕی سعوودیەوە بەستراوەتەوە.
ناسر خلێفی لە لێدوانێكیدا بۆ رۆژنامەی ماركا كە فابریزیۆ رۆمانۆ لە هەژماری تایبەتی خۆی لە تۆڕی كۆمەڵایەتی توویتەر دایناوە سەبارەت بە نوێكردنەوەی گرێبەستی مێسی ، ئێمباپێ و رامۆس گووتی:
كاردەكەین بۆ ئەوەی پارێزگاری لە هەموویان بكەین ، ئێمە شیكاری دەكەین كە چی بكەین، وە چۆن دڵنیا بین لەوەی كە بەردەوام بین و هەڵە نەكەین.
PSG president Nasser Al Khelaifi on the contracts of Leo Messi, Kylian Mbappé and Sergio Ramos: “We are working to keep all of them”, told Marca 🔴🔵 #PSG
“We are going to analyze what we are doing, how to make sure that we can continue. We won’t make mistakes”. pic.twitter.com/TtiNjA9dbH
— Fabrizio Romano (@FabrizioRomano) March 24, 2023
