بەرازیل بەفەرمی سکاڵا لە فیفا دەکات؛ گۆڵەکەی مێسی دەکەنە بەڵگە بۆ گۆڵە رەتکراوەکەی ڤینیسیۆس

یاریگا –

فیدراسیۆنی تۆپی پێی بەرازیل وەکوو ناڕەزایەتییەک بەرامبەر ئەو بڕیارەی کە بووە هۆی رەتکردنەوەی گۆڵەکەی ڤینیسیۆس جونیۆر لە یارییەکەیان بەرامبەر هەڵبژاردەی سکۆتلاند، نامەیەکی فەرمی و توندی ئاراستەی فیفا کردووە.

پێگەی ئێستادیۆ ـی بەرازیلی بڵاویکردووەتەوە، فیدراسیۆنی بەرازیل بەفەرمی دژی رەتکردنەوەی گۆڵەکەی ڤینیسیۆس هاتووەتە دەنگ و لە نامەیەکدا داوای روونکردنەوە لە فیفا دەکات.

بەرازیلییەکان لە نامەکەیاندا بەڕاشکاوی داوایان کردووە کە پێوەرەکانی سیستەمی ڤار بەشێوەیەکی دادپەروەرانە، یەکسان و بێ جیاوازی بەسەر سەرجەم تیپەکاندا جێبەجێ بکرێت.

بۆ سەلماندنی ئەم جیاوازییەش لە بڕیارەکانی ناوبژیواناندا، فیدراسیۆنەکە لە نامەکەیدا وەکوو بەڵگە ئاماژەی بە گۆڵی یەکەمی لیۆنێل مێسی کردووە لە یارییەکەی ئەرجەنتین بەرامبەر نەمسا، کە سەرەڕای هەبوونی هەمان حاڵەتی هاوشێوە، گۆڵەکەی مێسی هەژمار کرا بەڵام گۆڵەکەی ئەستێرە بەرازیلییەکە رەتکرایەوە.

Debate: Should Messi’s record-breaking goal against Austria have been disallowed for a foul in the buildup? https://t.co/9T4kuP3NvI pic.twitter.com/qio8b6OS3W

— Legendary Sports Report (@LegendaryNewz) June 25, 2026