یاریگا-
كیلیان ئیمباپێی فەڕەنسی و ئەستێرەی یانەی پاریس سان جێرمانی فەڕەنسی دەیەوێت ڕیزەكانی یانەكەی جێبهێڵێت لە گواستنەوەكانی هاوینی داهاتوودا.
بەپێی زانیاریەكانی ڕۆژنامەی ماركا پەیوەندی نێوان ئیمباپێ و پاریس تێكچووە و یاریزانەكە داوای ڕۆشتنی لە یانەكەی كردووە.
هەمان سەرچاوە ڕایگەیاند كە هێرشبەرە فەڕەنسیەكە دەوایكردووە لە گواستنەوەكانی زستانەدا یانەكە جێبهێڵێت بەڵام پاریس بە تەواوی ئەو بیرۆكەیەی ڕەتكردووەتەوە.
سەرچاوەكە ئەوەشی ئاشكرا كردووە كە یانە فەڕەنسیەكە ڕەزامەندی نیشانداوە بە ڕۆشتنی ئەستێرەكەی بەڵام بە مەرجێك پەیوەندی بە ڕیاڵ مەدریدەوە نەكات ، چونكە پەیوەندی نێوان فلۆرێنتینۆ پێرێز و ناسڕ خلێفی باش نیە بەهۆی ئەو ڕووداوانەی ئێمباپێ و سۆپەر لیگەوە.
ڕۆژنامەی لیكیپی فەڕەنسی ئاشكرایكردووە كە پاریس سان جێرمان ئامادەیە دەستبەرداری یاریزانەكەی بێت بە مەرجێك پەیوەندی بە یانەی لیڤەرپولەوە بكات ، بەڵام خواستی خۆی پەیوەندیكردنەوە بە ڕیزەكانی ڕیاڵ مەدریدەوە.
