یاریگا–
لیۆنێل مێسی، یاریزانی هەڵبژاردەی ئارجێنتینا و یانەی پاریس سانجێرمانی فەرەنسا دەیەوێت دوای کۆتایی هاتنی گرێبەستەکەی لەگەڵ یانەکەی، لە خولی ئەمریکا یاری بکات.
کەمێک پێش ئێستا ماڵپەری Le10sportـی فەرەنسی بڵاویکردەوە، یاریزانەکەی شازادەکان بریاریداوە دوای کۆتایی هاتنی گرێبەستەکەی، ریزەکانی یانەکەی جێبێڵێت و، لە خولی ئەمریکا بەردەوامی بە یاری کردن لەگەڵ یانەی ئینتەر میامی بدات.
ئینتەر میامی لەلایەن دەیڤید بێکهام ئەستێرەی پێشووی هەڵبژاردەی ئینگڵاند خاوەندارییەتی دەکرێت و، دەگوترێت کە ناوبروا لەگەڵ مێسی قسەی کردووە و ئەویش بەڵێنی پێداوە دوای کۆتایی هاتنی گرێبەستەکەی، پەیوەندی بە یانەکەیەوە بکات.
