یاریگا-
كەریم بێنزیمای فەڕەنسی و ئەستێرەی یانەی ڕیاڵ مەدریدی ئیسپانی گەڕایەوە ڕاهێنانەكانی یانەكەی.
لە یاری پێشووی یانەكەی لە جامی شای ئیسپانیا بێنزیما نەیتوانی بەرامبەر ئەتلەتیك بلباو بەشداری بكات و لەو یاریەشدا یانەكەی شكستیهێنا وماڵئاواییان لە جامی شای ئیسپانیا كرد.
پێش ڕووبەڕووبوونەوەكەیان بەرامبەر گرانادا لە خولی ئیسپانیا بێنزیما گەڕایەوە مەشق و ڕاهێنانە بەكۆمەڵەكانی یانەكە و ئامادەیە بۆ یاریكردن.
وا بڕیارە ڕۆژی یەكشەممە كاتژمێر 23:00 بە كاتی كوردستان ڕیاڵ مەدرید لە یاریگای سانتیاگۆ بێرنابیۆی تایبەت بە خۆی میوانداری گرانادا بكات ، لە میانەی یاریەكانی هەفتەی 23ی خولی ئیسپانیا.
