یاریگا–
کریستیانۆ رۆناڵدۆ، یاریزانی پۆرتوگاڵی یانەی یۆڤێنتۆسی ئیتاڵی بەبۆنەی ماڵئاوایی کردن لە مێریح دەمیرال یاریزانی پێشووی یانەکەی سەردانی ماڵی دەکات.
رۆژنامەی سەنی بەریتانی بڵاویکردەوە گۆڵکارەکەی خانمە پیرەکە دوای ئەوەی زانی کە بەرگریکاری پێشووی یانەکەی ئەمڕۆ بەرەو شاری ئاتالانتا گەشت دەکات بە مەبەستی پەیوەندی کردن بەم یانەیە، سەردانی ماڵەکەی دەکات و لە نزیکەوە ماڵئاوایی لێدەکات.
دەمیرال دوای ئەوەی لە ساڵی 2019 پەیوەندی بە ریزەکانی یانەی یۆڤێنتۆس کرد، بۆ ماوەی دوو وەرز لەگەڵ رۆناڵدۆ یاری کرد و لەم دوو ساڵەش پەیوەندیەکی باشیان هەبوو.
