یاریگا–
کارگێری یانەی بارسێلۆنای ئیسپانیا لە پێناو کەمکردنەوەی خەرجیەکانیان دەیانەوێت دەستبەرداری چەند یاریزانێک بن، یەکێک لەو یاریزانانەش ساموئێل ئۆمتیتی بەرگریکاری فەرەنسیە و ئەو یاریزانەشیان ئاگادار کردووەتەوە، بەڵام یاریزانەکە قسەیەکی دیکەی هەیە و یانەکەی تووشی شۆک کردووە.
رۆژنامەی وەرزشی مارکای ئیسپانیا بڵاویکردەوە بلاوگرانا بەرگریکارە فەرەنسیەکەی ئاگادار کردووەتەوە دەتوانێت بێ بەرامبەر یانەکەیان جێبێڵێت، لە پێناو ئەوەی لە موچە بەرزەکەی رزگاریان بێت، سەرەڕای ئەوەش بەهۆی کەم یاری کردنی بەهۆی پێکانە یەک لە دوا یەکەکانی لە پلانەکانی رۆناڵد کومانی راهێنەردا نیە، بەڵام ئەو یاریزانە پەیامێکی ئاراستەی یانەکەی دەکات و دەڵێت ” زۆر سوپاستان دەکەم بەرامبەر ئەو هەڵوێستە، بەڵام من دەمەوێت پابەندی گرێبەستەکەم بم ”.
پەیامەکەی ئۆمتیتی روونە، ئەوەیش ئەوەیە کە ئامادەنیە یانەکەی جێبێڵێت و تاوەکو کۆتایی گرێبەستەکەی لە یانەکەی دەمێنێتەوە، ئەو یاریزانە ساڵانە 16 ملیۆن یۆرۆ وەکو موچە وەردەگرێت و دڵنیاشە هیچ یانەیەکی دیکە ئامادەنیە ئەو موچەیەی پێ بدات.
