یاریگا–
ماوریسیۆ ساری، راهێنەری ئیتاڵیا پاڵێوراوە بۆ وەرگرتنی پۆستی راهێنەرایەتی یانەی تۆتێنهامی ئینگلیزی.
رۆژنامەی سەنی بەریتانی بڵاویکردەوە کارگێری یانەی تۆتێنهام دوای زنجیرەیەک ئەنجامی لاواز، دواجار خۆزێ مۆرینیۆ راهێنەری یانەکەیان دوورخستەوە و دەنگۆیەکیش هەیە ئەو یانەیە لەگەڵ بەرێوەبەری کارەکانی ماوریسیۆ ساری راهێنەری پێشووی یانەی یۆڤێنتۆس دەستیان بە گفتوگۆ کردووە و چاوەڕێ دەکرێت لە چەند رۆژی داهاتوو ناوبراو بەفەرمی وەکو راهێنەری یانە لەندەنیەکە دەست نیشان بکرێت.
ساری مانگی شەشی ساڵی رابردوو بەهۆی ئەنجامە لاوازەکان لە راهێنەرایەتی یۆڤێنتۆس دوورخرایەوە و تاوەکو ئێستاش گرێبەستی لەگەڵ ئەو یانەیە ماوە، بەڵام بە رازی بوون بە راهێنەرایەتی تۆتێنهام، ئەو کات ناچارە گرێبەستەکەی لەگەڵ خانمە پیرەکە هەڵوەشێنێت.
